Escoltan's
torrare a sa pàgina de cumintzu

Cultura Traditzionale

LAS “LLANTERNES”:UNA TRADITZIONE RECUPERADALAS “LLANTERNES”:UNA TRADITZIONE RECUPERADALAS “LLANTERNES”:UNA TRADITZIONE RECUPERADA

LAS “LLANTERNES”:UNA TRADITZIONE RECUPERADA

Onni annu, su 24 de austu, note de S.Bartolomeu, una truma de babbos e fìgios occupat sas carreras de su tzentru istòricu de Alcudia pro s’addòviare in antis de sa fatzada de sa comuna pagu prus o mancu a sas noe de sero. In cue los at mutidu s’assòtziu culturale Sarau Alcudienc. Pustis unu mamentu, dae una pratza minore chi est a làcana de sa comuna nostra, moet unu grupu longu chi andat in sas carreras prus emblemàticas de sa localidade.

Sos minores, acumpangiados dae babbos e mannedos, giughent una llanterna, lampione minoreddu fatu cun una sìndria, unu melone o, a bortas, cun unu piberone ruju mannu meda, a su chi li ant bogadu sa purpa e a pustis li ant postu una candela a intro. In sa parte de foras b’ant disignadas figuras sèmplitzes (una nue, su sole, sa luna, sa sàgoma de unu putzone,…) e a pustis cun s’agiudu de unu leputzu s’at bogadu sa làmina de su còrgiu de s’àrea intro a custas figuras, sena pertùnghere s’internu de sa sìndria chi amus a bogare cumpretamente una bia agabbadu su traballu de decoradura. Si tratat in ùrtimu de lassare una làmina de purpa chi at a funtzionare comente unu bargaminu a manera chi colet sa lughe de sa candela chi amus a pònnere a intro.

Sa truma chi, copiende una protzessione longa, faghet s’itineràriu istabilidu, cantat cantones traditzionales de Majorca, in manera ispetziale El sereno ha mort un moix (“sa guàrdia de note at mortu unu gatu”, cantone de pitzinnos). Sa festa agabbat in su matessi puntu de partèntzia, in ue si faghet unu dibatidu breve a subra de sa netzessidade de mantènnere sas traditziones, costùmenes e limba nostras pro evitare de èssere ingullidos dae sa pèntuma globalizadora o dae àteras culturas chi tenent prus presèntzia in sos mèdios de comunicatzione. A sa fine si lassant andare sos pallontzinos, si partint sos durches e, a bias, unu grupu de animatzione pro pitzinnos concruint custa festa traditzionale.

Custa festa s’at cumintzadu in su 1978 pro more de s’Obra Cultural Balear (sos membros ant creadu a pustis su tentru nostru de cultura traditzionale) cun s’iscopu de promòvere sa traditzione de sas llanternes chi aiat rutu in disusu, ispetzialmente a pustis de sa generalizatzione de massa de su televisore a sa fine de sa deghe de sos ’60. S’assòtziu nostru, Sarau Alcudienc, comente tzentru de istèrrida de sa cultura pròpia de Majorca, est s’organizadore, editzione pustis editzione, de custa festa populare, chi colende sos annos àteras localidades de s’ìsula ant copiadu.